Ինչպես ճիշտ պահել մրգերը եւ բանջարեղենը. news.am

Մրգերի եւ բանջարեղենի թարմության եւ օգտակար հատկությունների պահպանման համար անհրաժեշտ է դրանք պահել ճիշտ պայմաններում, որոնց մասին պատմել են բրիտանացի մասնագետները:

Ցանկալի է որոշ մրգեր եւ բանջարեղեն պահել իրարից հեռու, որովհետեւ հասունացման գործընթացում դրանք էթիլեն գազ են արտազատում: Պահպանման ընթացքում շատ էթիլեն են արտազատում խնձորը, տանձը, ծիրանը, բանանը, կիվին, մանգոն, հազարը, ծնեբեկը եւ կանաչ լոբին: Էթիլենի ազդեցության տակ այդ մթերքներն արագ փչանում են, այդ պատճառով անհրաժեշտ է դրանք առանձին պահել:

Մեկ դարակում լիովին անհամատեղելի են նաեւ գլուխ սոխը եւ կարտոֆիլը, ինչպես նաեւ մնացած բոլոր մրգերն ու բանջարեղենը: Փորձագետները նշել են, որ բանաններն, ընդհանրապես, էթիլենի ամենահզոր աղբյուրն են համարվում բոլոր պտուղներից, այդ պատճառով դրանք պետք է առանձին պահվեն մնացած ԲՈԼՈՐ մթերքներից:

Գիտնականների խոսքով, պահպանման առումով, ամենապակաս քմահաճը բալը եւ հապալասն են: Այդ հատապտուղներն առանձնապես զգայուն չեն էթիլենի հանդեպ եւ իրենք էլ գրեթե երբեք էթիլեն չեն արտազատում, այդ պատճառով դրանք հնարավոր է սառնարանում պահել ցանկացած այլ մթերքի հետ:

Խնձորները եւ ձմերուկները «անտագոնիստներ են», այդ պատճառով, չնայած դրանք պետք է սառնարանում պահել, բայց իրարից հեռու, խորհուրդ են տալիս մասնագետները: 

Կիվին ու ավոկադոն ցանկալի է սառնարանում պահել, որպեսզի ժամանակից շուտ չփչանան: Դրանք լիովին հնարավոր է կողք-կողքի պահել:

Լոլիկն ու սալորը կարող են միասին պահվել, դարձյալ սառնարանում:

Նեկտարինները, դեղձերը եւ տանձերն ավելի լավ է պահել սենյակային ջերմաստիճանում, ոչ թե սառնարանում:

Վարունգը, պղպեղը, ծաղկակաղամբը եւ բրոկկոլին հնարավոր է միասին պահել միայն սառնարանում, բայց` վերոհիշյալ էթիլեն արտազատող մթերքներից հեռու:

Հարցեր, պատասխաններ, մեկնաբանություններ